), jaman pesbuk (aslina: facebook), jaman gajet (aslina: gadget), jaman maju, loba diantara urang nu geus teu ngagunakeun basa daerah,
. Rupa-rupa alesanana, ti mulai teu wawuh nepi ka teu gaul, cenah. Nah, kukituna, hayu urang lestarikeun basa
.
Mun teu ku urang, ku saha deui, mun teu ayeuna, iraha deui, mun teu boga duit, nya nga. . . do'a tur usaha deui, lain ngahutang. Di handap ieu rupa-rupa leumpang (aya lima puluh dua istilah leumpang) dina basa Sunda.
Rupa-rupa Istilah Leumpang Dina Basa Sunda
Narabas
Leumpang di nu bala atawa di nu remet kalawan teu miduli cucuk
Neker
Leumpang di tempat nu nanjak pisan
Nelenden
Leumpang budak, anca, pikalucueun
Nelenyeng
Leumpang nu asalna anca ujug-ujug gancang
Niliktik
Leumpang budak nu kakara bisa leumpang gancang, titiliktikan ka ditu ka dieu
Nolog
Leumpang talag-tolog (lantaran teu awas) di nu poek
Noyod
Leumpang nurutkeun karep sorangan, teu milare ka nu nyaram
Ngabadaus
Leumpang semu gancang, teu luak lieuk
Ngabengbeos / Mengpeos
Leumpang teu luak lieuk, biasana lantaran aya kakeuheul, kateusugema, jst
Ngadaligdeug
Leumpang kawas nu mabok, jarugjag-jarigjeug, kawas nu rek titotolonjong
Ngadedod
Awewe nu leumpang anca sarta biritna ka kenca ka katuhu
Ngadigdig
Leumpang gancang sarta segut
Ngadigleu
Leumpang kendor, semu beurat ngalengkah
Ngadudud
Leumpang gancang teu luak-lieuk
Ngagandeuang
Leumpang salse, dada ajeg, bari keupat laun
Ngageang
Leumpang semu egang
Ngageblay
Leumpang awewe, anca, bari keupat laun, geblay-geblay
Ngeteyep
Leumpang laun, biasana ku keur ngintip, sieun kadenge atawa katempo ku batur
Ngageblig
Leumpang bari neundeut-neundeutan suku tepi ka kadenge sora blig, blig, blig (sabalikna tina keketeyeupan)
Ngageboy
Leumpang awewe rada lintuh, awakna semu leuleus
Ngagegag
Leumpang kendor semu bareurat awak
Ngagegot / Ngagiyet
Leumpang awewe bari semu ngobah-ngobahkeun bujur
Ngagilincing
Sesebutan keru nu leumpang teu mawa naon-naon
Ngagiplek
Leumpang awewe nu gendut, bujurna guplak-giplek
Ngagitek
Leumpang awewe bari semu ngagutak gitek bujur
Ngalanggeor
Leumpang awewe, biasana nu leggik, nu alus katempona
Ngalejeg / Lajag-lejeg
Leuleumpangan di hareupeun batur bari ambek
Ngalenghoy
Leumpang alon lantaran cape
Ngaleyad
Leumpang anca diaplen
Ngincid
Leumpang gancang sorangan
Ngiciprit
Leumpang keur waktu hujan atawa loba keneh cileuncang
Nyelengceng
Leumpang gancang sosorangan, miheulaan batur
Nyerenteng / Nyirinting
Leumpang semu lumpat nyampeurkeun batur, bari ambek
Rarampeoleun
Leumpang semu leuleus, nu keur mabok, jst
Rincug
Leumpang teu bener lantaran nyeri dampal suku, atawa leumpang di nu bala sieun kacugak lantaran teu make sendal atawa sapatu
Sasampoyongan
Leumpang gagaleongan, nu keur mabok, jst
Seseleket / Seselendep
Leumpang di antara jelema loba
Tonggoy
Leumpang teu luak lieuk, bari tungkul, teu mirosea ka nu ngageroan
Totolonjongan
Leumpang kawas nu rek tijongjolong
Turugtug
Leumpang gancang di nu mudun
Tuturubun
Leumpang turun rurusuhan, buru-buru
Boyot
Leumpang kendor bangun bareurat awak, mindeng katinggaleun batur
Deog / Pengkor
Leumpang dingdet lantaran suku nu sabeulah rada pondok
Dohot-doho
Leumpang lalaunan bari semu dodongkoan cara peta nu ngadodoho
Egang / Egol
Leumpang cara budak nu anyar disunatan lantaran bisul dina palangkakan
Gonjleng
Leumpang awewe bari ngobah-ngobahkeun awak, hayang narik perhatian lalaki
Ingkud-ingkudan / Jingkrung
Leumpang teu bener lantaran nyeri suku
Jarigjeug / Jumarigjeug
Leumpang bari semu rek labuh, biasana jalma nu geus kurang tanaga atawa nu kakara hudang gering
Jingjet
Leumpang semu hese ngalengkah lantaran cacad suku atawa make samping nu hereut teuing
Kepoh
Leumpang teu bener lantaran tuur rada paadu, meh kawas aksara x
Kukurubutan
Leumpang rada dodongkoan di nu bala atawa di nu remet kakayon
Moyongkod / Mongkoy
Leumpang anca rada dongko, nembongkeun ulat sieun atawa era.
Tidak ada komentar
No spam, no active link, please ^_^